Anngret Fenske as Plattdüütschbeuptragte vun de Stadt Ratzborg bestätigt
De Stadtvertretung hett in ehr letzt Sitzung Anngret Fenske för wiedere dree Johren as Plattdüütschbeupdragte vun de Stadt Ratzeburg bestätigt. Anngret Fenske hett schon vörher seggt, dat de Arbeit mit Kinner wiederhen de Schwerpunkt vun ehr Upgaaf is, üm de plattdüütsche Spraak lebendig zu hollen.Hierto hört plattdüütsche Veranstaltungen, Wettbewerbe mit Kinner un vörrangig ok dat Fortbillen vun Erzieher*innen un ehrenamtliche Plattdüütschbeupdragte, de sik dorför insett, de Lütten Plattdüütsch bitobringen, wie jüngst to dat Thema „Plattdüütsch in´n Kinnergoorn“. In Februar hebbt dat Zentrum för Nedderdüütsch un de Plattdüütschbeupdragte ut Ratzborg inladt to een Seminar in den Ratssaal vun de Stadtverwaltung Ratzborg.
De twee Referentinnen, Marianne Ehlers, Referentin för Nedderdüütsch bi´n schleswig-holsteenischen Heimatbund und Renate Poggensee, Leiterin vun den tweesprachigen ADS-Grenzlandkinnergoorn in Tönning, de jeden Dag alleen Platt mit de Kinner schnackt, hebbt dat grotordig verstahn anhand vun Poppen, Speelen und Leedern de veelen Deelnehmers to begeistern.
Dat wörr een schöön Nahmiddag un all Lüüd hebbt veel mitnahmen för ehr plattdüütsche Arbeit mit Kinner. Dat Seminar is bannig good annahmen worn un ward bestimmt 2018 wedder stattfinden.
